Qaamanermut tikilluarit
Peqatigiiffiup pilersinnera
Peqatigiiffik pilersinneqarpoq ulloq 01-Februar-2026 5700 Svendborg, tassunga pilersitsinissamut tunngaviuvoq qallunaat nunaannut nuulluni sammisassarpassuaqarpoq - taamaakkaluartoq inuttut ataatsiakkaatut aammalu ilaqutariittut kiserliornartuuvoq.
tamanna pillugu peqatigiiffimmik pilersitsinissaq assut eqqarsaatersuutigisimavara piffissaq sivisooq, tamannali eqqarsaatiga saqqummiukkakku ilassilluarneqarluni taperserluarneqarpoq.
peqatigiiffiup malittarisassai nammineq siunnersuutigaakka qanoq isikkoqassanersut, unali pingaartillugu malittarisassat kikkut tamat aaqqissinnaassaannik naapeqatigiiffiullutik aaqqinneqassapput - tamannali piviusunngortinneqarpoq.
naapeqatigiinneq siulleq malittarisassat sammineqarput qanorlu isikkoqarnissai aamma sammineqarluni, taassuma saniatigut peqatigiiffimmi kikkut kina ilaarsortaasinnaanersoq aammalu tapersersuisuusinnaanersoq ilanngullugu eqqartorneqarpoq. isumaqarpunga peqatigiiffiup aaqqissuussaalernera pissusissamisoortoq, aammalu inissaminiittoq peqatigiiffik nutaaq aallartimmat.
peqatigiiffiup malittarisassaanut ersarissumik allassimasoq peqatigiiffik ilaasortaqatigiittut PISSULLUFFIUSSANNGILAQ, taamaattoqarpat ingerlaannaq siulersuisut qisuariassapput.
Qanortoq siunissami Qaamaneq Lyset Svendborg atorluarisiuk suleqataaffigilluarlugulu.
Siulittaasoq
Jørgen Peter Olsen-Willumsen
Peqatigiiffiup soqutigisai
Peqatigiiffiup soqutigisai siammasissumik inissisimapput, assigiinngitsunillu aamma aaqqissuussassanut peqataasassaaq aaqqissuisassallunilu.
peqatigiiffiup ilaasortat tapersersuisut uummataatut ingerlatsisuummata taakkua pinngitsooratik qanimut suleqatigineqartassapput, ilaasortat tapersersuisut siulersuisunut siunnersuuteqartassapput - siulersuisut eqqartuereerunik ilaasortanut tapersersuisullu siunnersuut utertittassavaat aaliangigassanngorlugu.
siulersuisut aaqqissuussinissamik suugaluartunik aaqqissuissatillutik pinngitsooratik ilaasortat aammalu tapersersuisut qanimut suleqatigissavaat, taamaalillutik isummat siammasinnerusut aammalu suliamik annerusumik naammassinnissinnaaneq qulakkeerneqassammat.
peqatigiiffiup aamma pingaartitaani soqutigisaani ippoq kikkut tamat inissaqartillugit ataatsimoorneq ingerlanneqartassammat, tassa ima paasillugu meeraagaluarpat inuusuttuugaluarpat inersimasuuppat innarluutiliuppalluunniit kikkut tamat inissaqarfigissavaat.
peqatigiiffik illoqarfiup iluani sammisassanik assigiinngitsunik aaqqissuinernut peqataaniartuartassaaq, taamatullu aamma illoqarfiup avataani aaqqissuussanut peqataaniartuassalluni. uanili pingaartinneqartuassaaq peqatigiiffiup ilaasortai tapersersuisui peqatigiiffimmut uummataammata taakkua qanimut suleqatigineqartassapput.
illoqarfiup avataani pissussaqartillugu angallanneq ATAATSIMOORUSSAMIK eqqartorneqartassaaq, amerlanerpaat peqataasinnaaqqullugit.
